القهوه
الدنيا قهوه و الناس قاعدين على القهوه
تنام و تاكل و تشرب و انت على القهوه
تفاح و باكو و اص هتشده عالقهوه
نار ناعمه نار خشنه هتلاقى فى القهوه
شاى نسكافيه قهوه ينسون و رز بللبن
كستر جيلى و كاكاوو ليمون و موز باللبن
فيروز و بيبسى وكاكولا اهو كله عالقهوه
اكبر خناق فى الكون تتخانقه عالقهوه
و لو رحت قعده صلح تقعدها عالقهوه
صاحبك هيستناك يستنى عالقهوه
تستنى صاحبك فين تستنى عالقهوه
دنا كنت خالى البال و عشان بقيت اهوى
سهرت طول الليل قاعد على القهوه
من حيرتى و التفكير شربت ميت قهوه
و شحات يمد اديه تلاقيه على القهوه
و كمان سعاده البيه م الصبح عالقهوه
و الواد حماده اللوز كان نصبه فى القهوه
و احمد سمير و الكوز ارضيه القهوه
حتى نجيب محفوظ كان غيته القهوه
اكترولاد البلد قاعدين على القهوه
و انا غير جميع الناس مقعدش عالقهوه
انا عندى تفكيرى و عندى احلامى
راجل جدع و اعجبك خلصت تعليمى
و اول ما اخلص جيش
هاقعد على القهوه
محمد شلبى
.jpg)
.jpg)
.jpg)
21 comments:
دى هديه لكل شباب مصر
اللى زيى
يا رب تعجبكو
هههههههههههه
حلوه اوى
بس حستتنى ان الناس دى والشباب دى عايشين ومبيتين فى القهوه
تحياتى
دايما فى أمل يا صديقى دايما فيه بكره حتى لو الواقع صعب -- احلم صدقنى ويوم حيتحقق الحلم
سحر الحكيم
ايمان
مش كله كده
بس فى كتيير كده
انا مش مالوف امبارح
لكن م الجاى مالوف
و فى قلبى الورد الطارح
من غير اشواك و لا خوف
و هعاند
حبه جد
و حبه هزار
كل سنه وانتا طيب يا شلبى
وعندك اتنين خمسينا ريشه سكر زياده
وعلى فكره انتا نسيت العناب السقعان عشان بعد التمرين مبشربش شاى
وبعدين انتا فينك بالك كتير مبتروحش القهوه بدوى اخدك مننا
و انت طيب
يا سلس
و عقبال مايبقى عندك 30 سنه يا عم
واحد عناب جامد اوى
للمعلم
سلامونتى
و صلحه
الله
حاسس بينا و اللهى
و احشنى يا فتحى و اللهى
بس انت شغال و زى الفل
سلام
سلملى على الواد الصغير
اقابلك هناك
يللا بسرعه
ماشى يا عم
يللا سلام
ايه الحلاوه دى ياشلبى
دى حلاوتك يا باشا
منور المدونه يا صاحبى
Post a Comment