معلش بقى اتاخرت شويه فى البوست ده بس يللا بقى اهو انا لحقت اكتبه فى اخر يوم العيد يللا مش مشكله انا كاتب
حاجه كده على ما قسم
فى العيد
فى العيد عموما كلنا بنفرح
و الاضحى بقى بالذات له طعم خاص جدا
تطبيق لحد الصبح لميعاد اوان الصلاه
و نصلى عند البحر بين السما فى الخلا
يا اما فى الاستاد لو فتحه بوابته
و يفرشو الكزلاك و نصلى فى الملعب
و زمااااااااااااااااااااااااااان
و زمان فى حاره العيد بنركب البكاش
ولو قالولنل بلاش ده بيخطف الركاب
نعند و بنروحله و نبقى اول ناس
و كاننا قصدين عاوزينه يخطفنا
و تلاقينى وقت الدبيح واقف مشمر كوم
و افرد كفوفى الجوز و اعكهم فى الدم
و اطبع على الحيطه بالخمسه و العشره
و ارسم حاجات هبله و اكتب كمان اسمى
و اخرتها اروح البيت افطر و انام حبه
محمد شلبى
و القصيده دى بقى هديه لصاحبى محمد السلامونى صاحب مدونه بلدى بورسعيد
لانه كان صاحب الفكره
خروف العيد انتحر
خروف العيد انتحر من فوق سطوح بيتنا
مات و انتهى امره و مبقاش حلال دبحه
فسالنا ايه السبب قالولنا لا بعدين
دى حكايه مش وقتها و كلام يطول شرحه
صعبان عليا الخروف لانه كان طيب
مقدرش يصبر راح و اهو ربنا يسامحه
و سيبكو م الحكايات و تعالو نتجمع
نروح لصاحب الخروف نعزيه و نصالحه
و قالو سبب انتحاره كان ازمه نفسيه
و اتارى طلع الخروف سايبلنا و صيه
بيقولنا فيها يا معشر الخرفان
اتوصو بالجزار و استعجلو دبحه
محمد شلبى
.jpg)
.jpg)
.jpg)
27 comments:
كل عيد و انتو كلكو طيبين و بخير
و يارب البوست ده يعجبكو اووووووووووى
ماشاء الله فنان ومبدع ربنا يوفقك
واحلى بوست
وكل سنة وانت طيب
تحياتى ليك
القلم السكندري
كل سنه و انت اللى طيب و ربنا يخليك على الكلام الحلو ده
سلام يا باشا
الحريه
انا مش اد الكلام ده
ده كتير بجد
القلم السكندري
الحريه
مشرفين المدونه بجد
و انا مستنيكو تانى قريب
سلام
كل سنه وانت طيب يا شلبى
وزعلت اوى على الخروف الى انتحر وعيزين نعزى فيه
بس حدد الميعاد
كل سنة وانت طيب
ويارب يكون كان عيد سعيد عليك
(:
حلوه الخروف انتحر دي
محمد السلامونى
البقاء لله
و معلش صاحب الخروف مات من قهرته
على الخروف
اسراء
ازيك
عامله ايه
كل سنه و انتى طيبه
و البقيه فى حياتك
و على العموم
العزا
هيبقى عندى على المدونه
للى عايز ييجى
و يعمل الواجب
و
لا اراكم الله مكروهافى عزيزا لديكم
تعيش و تفتكر يا معلم
و
كل سنه و انت طيب
القصيده الاولى جامده اوى بجد
و كلنا عملنا كده زمان
و عكيناادينا فى الدم
و التانيه دمها خفيف اوى
ياريت تسمحلى اخد القصيده الاولى عندى
ده بعد اذنك يعنى
يا عم ده شرف ليا
خد كل اللى انت عاوزه
و كل سنه و انت طيب
كل سنه وانت طيب
والعام يكون احلى من هذا العام
كل يوم اكتشف ان البورسعيديه كلهم انتماء وحب غير عادى لبلدهم بورسعيد .
تحياتى لك ولكل اهلى البورسعيديه .
انا اضفت مدونتك عندى
لان مدونه بمثل هذا الجمال تستحق ان تضاف
دى مدونتى لو حبيت تشرفنى
المصرى البورسعيدى
http://hazemnokhala.blogspot.com/
ولاء
كل سنه و انتى طيبه
و مشرفانى فى المدونه بجد
ده شرف ليا يا باشا بجد
يابن بلدى يا جميل
انا كمان ضفتك عندى
و
تحيا بورسعيد
edwrwrfwefe
ماشى يا عم
ز انت طيب
مدونة جميلة وسعيد بوجود شاب بورسعيدي موهوب زيك وياري تشرفني بالزيارة
http://almowzaf.blogspot.com
وانا حاضيف لينك ليك عندي ان شاء الله
مدونة جميلة وانا ضفت ليك لينك عندي
انا من بورسعيد برده
يا باشا
ده شرف ليا
و بورسعيد كلها جدعان
و انا هضيف اللينك بتاعك عندى اللوقتى اهو
و كل سنه و انت طيب
ايه الشغل الجامد ده
مدونه جباره بجد
هاعدي تاني واقرا
يا عم ربنا يخليك
و تشرف فى اى وقت
سلام مؤقت
Post a Comment